Lingua Galega e Literatura: Ricardo Carballo (Carvalho) Calero
Estamos na Semana das Letras Galegas, xa que o vindeiro domingo 17 de maio é o Día das Letras Galegas. Este ano o autor homenaxeado é Ricardo Carballo Calero, quen firmaba as súas obras como Ricardo Carvalho Calero, polo que podemos ver o seu nome escrito das dúas formas.
O Día das Letras Galegas celébrase sempre o 17 de maio, pero este ano a Real Academia Galega trasladou ao outono parte dos actos.
Comezamos as actividades da Semana das Letras con estas propostas de actividades elaboradas polo Seminario Galán. Tamén as podedes atopar en:
http://seminariogalan.org/2020/ACT_2_ED_PRIMARIA.pdf
http://seminariogalan.org/2020/ACT_2_ED_PRIMARIA.pdf
1.- Le a biografía de Ricardo elaborada polo Seminario Galán para 2º de Primaria:
O
escritor Ricardo Carvalho Calero naceu na cidade de Ferrol, na Coruña. Era
fillo de M.ª Dolores e Gabriel Ricardo.
De
pequeno estudou en Ferrol, nunha escola da rúa Magdalena, a rentes da súa casa,
e nun colexio dirixido polo escritor Manuel Comellas. Ao acabar o bacharelato
marchou a Compostela e alí estudou Dereito.
Ricardo
foi membro do Seminario de Estudos Galegos, un grupo de persoas que defendían o
idioma galego e a nosa cultura e alí coñeceu a Castelao, Otero Pedrayo,
Risco...
Escribiu
moitos libros de poemas, teatro, relatos... Un deles, As pitas baixo a
choiva, dirixido aos pequenos, cóntanos un feito que lle pasou a Ricardo
cando era pequeno e quería recoller as pitas que se estaban a mollar no patio:
acabaron todos... mollados como pitos!
Foi
profesor do instituto Rosalía de Castro, de Santiago, e o primeiro catedrático
de Lingua e Literatura Galega da universidade.
Tamén
foi membro da Real Academia Galega (RAG) e o seu discurso de ingreso foi sobre
Rosalía de Castro.
Defendeu
a idea de que a lingua galega é unha variedade da lingua portuguesa.
Este
ano a RAG dedícalle o Día das Letras Galegas pola súa defensa do idioma galego
e da nosa cultura.
2- Contesta por escrito ás seguintes preguntas sobre a
súa biografía:
- Onde naceu Ricardo?
- Como se chamaban os seus pais?
- Que estudou en Compostela?
- Que defendían os do Seminario de Estudos Galegos?
- Escribe o nome de tres revistas nas que traballou.
3- Ricardo traballou no instituto Rosalía de Castro de
Compostela. Que camiño seguía Ricardo todos os días para chegar ao instituto?
4- Resolve este encrucillado relacionado coa biografía de
Ricardo.
Seguiremos aprendendo máis cousas sobre este escritor ao
longo da semana.
Unha aperta
A vosa titora
