Lingua Galega e Literatura: Conto de dous parrulos / parrulas


Ola!
Se fixeches a actividade de Lingua Galega e Literatura de onte estás listo/lista para continuar con esta. Se non é así, podes consultar o anterior post desta área e observar a foto que hai nel antes de seguir lendo.

As incógnitas:
A fotografía, de formato horizontal, saqueina no estanque do Palacio de Cristal, no parque do Retiro (Madrid). Pero ben podería tela sacado en calquera outro lugar, de fóra ou de Galicia, pois tan só se ven dous parrulos ou parrulas coa cabeza somerxida e a auga do estanque, non hai nada máis nela que permita identificar o lugar.
Levoume algún tempo sacala porque os parrulos non paraban quietos e tiven que ter algo de paciencia para que coincidisen os dous á vez nesa posición.


Ves a pinga de auga no pescozo? A plumaxe é impermeable.

Son parrulos ou parrulas?
Parecen femias, pola plumaxe apencada e de cores pouco vistosas, pero non estou segura.


Que diferenza de significado hai entre "parrulo" e "pato"?
Ningunha. En galego parrulo e parrula son sinónimos de pato e pata, é dicir, significan o mesmo e pode utilizarse calquera das palabras.



ACTIVIDADE
Redacta un conto titulado “Conto dos dous parrulos”, “Conto das dúas parrulas” ou “Conto da parrula e o parrulo”.

Lembra o proceso para a escritura:
- Preparo “as ferramentas” de escritura.
- Penso e organizo as ideas.
- Escribo o conto. Como é un texto narrativo ten que ter unha introdución, un nó ou desenvolvemento e unha conclusión.
- Repaso o que escribín.

Cando remates poderás ilustrar o conto cun debuxo, como facemos en clase.

Algunhas ideas:
- Había unha vez...
- Érase unha vez...
- Nun fermoso estanque de..
- Hai moitos anos, vivían nun lugar moi afastado, unha parrula e un parrulo que...
- Xilandrina e Tularina eran dúas parrulas que...
- E colorín, colorado, este conto está rematado.
  
CURIOSIDADES:
* Fixácheste en que se ven as patas dos parrulos? Por que?
* Viches as ondas que se forman na auga? A que se deben?


* Queres saber como é o Palacio de Cristal? Preme sobre a ligazón:
https://www.miradormadrid.com/palacio-de-cristal-retiro/

O Palacio de Cristal construíuno en 1887 o arquitecto Ricardo Velázquez Bosco e está feito de ferro e pranchas de cristal. Inicialmente foi un invernadoiro xigante no que se expoñían plantas tropicais e agora forma parte do Museo Reina Sofía, por iso acostuma a haber nel exposicións temporais.

Entradas populares de este blog

Ecosystems

Imagen
Good morning kids, We are going to introduce a new unit to review living and nonliving things. Do you know what is an ecosystem? An  ecosystem  is a community made up of  living  and  nonliving  things in their natural environment.  Nonliving  things do not grow, need food, or reproduce. Some examples of important  nonliving  things in an  ecosystem  are sunlight, water, air, wind, rocks, and soil. Ok! Take your Natural science book and open on the new unit, Unit 6.  Look at the picture on page 52 and try to answer the questions orally, don't write, just have a little conversation about the picture. Then complete the activities on page 53. Remember to read the instructions carefully.
Leer más

Lingua Galega e Literatura: O meu barco

Imagen
Bos días! Esta actividade de galego ten varias partes e leva facela máis dunha sesión de clase, por iso non vou propoñer ningunha de castelán, aínda que a recomendación de ler uns minutos mantense para todos os días. Sabedes algunha canción en galego que teña relación co mar, cos barcos ou cos mariñeiros? A min gústame moito esta parte da letra de  Amor rianxeiro , tamén coñecida como  Vento mareiro  ("mareiro" significa favorable para navegar), unha canción popular galega: “Non lle temas, mariñeiro, ó ventiño do mar, que o vento mareiro dá mellor navegar. Se navegas pola ría de Rianxo verás as estrelas e a lúa darlle bicos ó mar”. Non vos parece fermoso iso de que as estrelas e a lúa lle dean bicos ao mar? Preguntade ás vosas familias se coñecen outras cancións en galego que garden relación co mundo do mar. Vós tamén sabedes unha que cantamos ás veces no colexio. Pista: comeza coa palabra “amoriños”. Podedes facer un listado cos títulos de t...
Leer más

Lingua Galega e Literatura: Conto (escritura creativa)

Imagen
Moi bos días! Hoxe propóñovos escribir un conto con título libre, pero con dúas condicións: 1.- O protagonista ou a protagonista ten que ser un destes personaxes, aínda que podedes cambiarlle o nome e inventar unha historia completamente diferente á da película na que aparece: 2.- Unha parte da historia (ou toda ela) sucede nun castelo. Recordade os pasos a seguir para a escritura: 1º- Pensar.- Pensar o título, a historia, organizar as ideas… 2º- Escribir.- Os textos narrativos, coma o conto, deben ter tres partes: introdución, desenvolvemento e desenlace. Ademais de prestar atención a isto, á hora de escribir hai que fixarse en facer boa letra, deixar marxe, poñer maiúscula cando é necesario e puntuar o texto. 3º- Repasar. Ler o que escribimos e facer correccións se é necesario. Cando rematedes de escribir o conto facede un debuxo para ilustralo. Ánimo, que xa falta moi pouquiño para esas merecidas vacacións! Unha aperta A...
Leer más