Lingua Galega e Literatura: POESÍA



Ola nenos e nenas de 2º!

Como sabedes, o 21 de marzo foi o Día Mundial da Poesía. E hoxe en galego tócanos…si, iso mesmo, poesía.

Escollín para vós un poema de Ana María Fernández que me gusta moito. Creo que xa volo lin unha vez.

Ana María Fernández é autora de numerosas obras para o público infantil. Publicou teatro, narrativa e poesía.



DEBUXAR UN GATO
Sempre quixen debuxar un gato,
unha formiga, un zapato…
ou debuxar unha nube sen cor,
un Pinocho sen nariz,
unha gaita e un tambor,
o perdigón e a perdiz,
os personaxes dos contos
que podería escribir…
Sempre quixen debuxar un gato,
a parrula e o pato,
as orellas do rato,
un elefante,
unha mosca,
un caracol que se enrosca,
un diamante…
Ou debuxar un mar,
un macaco,
un manatí,
un “porquenón”
un “porquesí”.
E, sobre todo,
pensei en debuxarte a ti!

Fernández, Ana María (2016). Versos da tarde laranxa. Galaxia, Vigo, pp. 20-21.

ACTIVIDADES:
  1. Le varias veces o poema.
  2. Se non entendes algunha palabra pide axuda.
  3. Cando o entendas ben, trata de recitalo memorizando algún verso.
  4. Conta os versos do poema.
  5. Conta todas as cousas que a autora quere debuxar.
  6. Escribe un listado cos obxectos que quere debuxar e cóntaos. Escribe outro listado cos animais que quere debuxar e cóntaos.
  7. Atréveste a cambiar o poema? Só tes que volver a escribilo cambiando varias palabras. Por exemplo, os obxectos, os animais…
  8. Por último, xa que a escritora quere debuxarte a ti, poderías axudala co traballo e facer ti o teu propio autorretrato?


Unha aperta
A titora de 2º

Entradas populares de este blog

Ecosystems

Imagen
Good morning kids, We are going to introduce a new unit to review living and nonliving things. Do you know what is an ecosystem? An  ecosystem  is a community made up of  living  and  nonliving  things in their natural environment.  Nonliving  things do not grow, need food, or reproduce. Some examples of important  nonliving  things in an  ecosystem  are sunlight, water, air, wind, rocks, and soil. Ok! Take your Natural science book and open on the new unit, Unit 6.  Look at the picture on page 52 and try to answer the questions orally, don't write, just have a little conversation about the picture. Then complete the activities on page 53. Remember to read the instructions carefully.
Leer más

Lingua Galega e Literatura: O meu barco

Imagen
Bos días! Esta actividade de galego ten varias partes e leva facela máis dunha sesión de clase, por iso non vou propoñer ningunha de castelán, aínda que a recomendación de ler uns minutos mantense para todos os días. Sabedes algunha canción en galego que teña relación co mar, cos barcos ou cos mariñeiros? A min gústame moito esta parte da letra de  Amor rianxeiro , tamén coñecida como  Vento mareiro  ("mareiro" significa favorable para navegar), unha canción popular galega: “Non lle temas, mariñeiro, ó ventiño do mar, que o vento mareiro dá mellor navegar. Se navegas pola ría de Rianxo verás as estrelas e a lúa darlle bicos ó mar”. Non vos parece fermoso iso de que as estrelas e a lúa lle dean bicos ao mar? Preguntade ás vosas familias se coñecen outras cancións en galego que garden relación co mundo do mar. Vós tamén sabedes unha que cantamos ás veces no colexio. Pista: comeza coa palabra “amoriños”. Podedes facer un listado cos títulos de t...
Leer más

Lingua Galega e Literatura: Conto (escritura creativa)

Imagen
Moi bos días! Hoxe propóñovos escribir un conto con título libre, pero con dúas condicións: 1.- O protagonista ou a protagonista ten que ser un destes personaxes, aínda que podedes cambiarlle o nome e inventar unha historia completamente diferente á da película na que aparece: 2.- Unha parte da historia (ou toda ela) sucede nun castelo. Recordade os pasos a seguir para a escritura: 1º- Pensar.- Pensar o título, a historia, organizar as ideas… 2º- Escribir.- Os textos narrativos, coma o conto, deben ter tres partes: introdución, desenvolvemento e desenlace. Ademais de prestar atención a isto, á hora de escribir hai que fixarse en facer boa letra, deixar marxe, poñer maiúscula cando é necesario e puntuar o texto. 3º- Repasar. Ler o que escribimos e facer correccións se é necesario. Cando rematedes de escribir o conto facede un debuxo para ilustralo. Ánimo, que xa falta moi pouquiño para esas merecidas vacacións! Unha aperta A...
Leer más