Lingua Galega e Literatura: Carta a un personaxe dun conto


A Estrada, 15 de abril de 2020

Queridos nenos e nenas:

Lémbrome moitas veces de vós e bótovos moito de menos. Agardo que esteades todos e todas ben. Moito ánimo, campións e campioas!

Pensando na actividade de hoxe, acordeime dun dos últimos libros que comprei. Foi no Nadal, pensando en vós. En xaneiro línvolo por primeira vez na biblioteca do colexio. Xa sabedes cal é?
Pista nº 1: Está cheo duns personaxes marabillosos aos que destes vida (moi ben, por certo! 😉).
Pista nº 2: Uns simpáticos inquilinos puxeron patas arriba a vida nunha torre.
Pista nº 3: “Pom, pom, pomporompompom...”.

Propóñovos que pensedes nun dos personaxes dese conto (si, trátase de Rapunzel con piollos) e lle escribades unha carta. Podedes presentarvos, comentarlle por que lle escribides, contarlle algo que vos interese e facerlle preguntas. Coñecedes moi ben a eses personaxes, así que seguro que se vos ocorren moitas cousas.

Antes de escribir, lembrade pensar no tipo de texto (unha carta, podedes repasar as diferentes partes con esta mesma que vos escribo) e organizar as ideas. Despois, mentres escribides, tedes que fixarvos en que a letra se entenda ben, na separación das palabras, no uso de minúsculas e maiúsculas, en se hai que poñer algún punto... Por último, tocará repasar o escrito e facer un debuxo.

Sei que tedes unha imaxinación desbordante e moi boas ideas, así que seguro que saen unhas cartas estupendas!

Unha forte aperta
A vosa titora

Imaxe de Trang Le en Pixabay

P.D.: Rapunzel, acostumada a estar encerrada na torre, probablemente entendería moi ben a nosa situación. Verdade? 😉



Rapunzel con piollos é un conto de El Hematocrítico (así se fai chamar o escritor) ilustrado por Mar Villar. A editorial Xerais publicou a edición en galego en outubro de 2019.

Entradas populares de este blog

Ecosystems

Imagen
Good morning kids, We are going to introduce a new unit to review living and nonliving things. Do you know what is an ecosystem? An  ecosystem  is a community made up of  living  and  nonliving  things in their natural environment.  Nonliving  things do not grow, need food, or reproduce. Some examples of important  nonliving  things in an  ecosystem  are sunlight, water, air, wind, rocks, and soil. Ok! Take your Natural science book and open on the new unit, Unit 6.  Look at the picture on page 52 and try to answer the questions orally, don't write, just have a little conversation about the picture. Then complete the activities on page 53. Remember to read the instructions carefully.
Leer más

Lingua Galega e Literatura: O meu barco

Imagen
Bos días! Esta actividade de galego ten varias partes e leva facela máis dunha sesión de clase, por iso non vou propoñer ningunha de castelán, aínda que a recomendación de ler uns minutos mantense para todos os días. Sabedes algunha canción en galego que teña relación co mar, cos barcos ou cos mariñeiros? A min gústame moito esta parte da letra de  Amor rianxeiro , tamén coñecida como  Vento mareiro  ("mareiro" significa favorable para navegar), unha canción popular galega: “Non lle temas, mariñeiro, ó ventiño do mar, que o vento mareiro dá mellor navegar. Se navegas pola ría de Rianxo verás as estrelas e a lúa darlle bicos ó mar”. Non vos parece fermoso iso de que as estrelas e a lúa lle dean bicos ao mar? Preguntade ás vosas familias se coñecen outras cancións en galego que garden relación co mundo do mar. Vós tamén sabedes unha que cantamos ás veces no colexio. Pista: comeza coa palabra “amoriños”. Podedes facer un listado cos títulos de t...
Leer más

Lingua Galega e Literatura: Conto (escritura creativa)

Imagen
Moi bos días! Hoxe propóñovos escribir un conto con título libre, pero con dúas condicións: 1.- O protagonista ou a protagonista ten que ser un destes personaxes, aínda que podedes cambiarlle o nome e inventar unha historia completamente diferente á da película na que aparece: 2.- Unha parte da historia (ou toda ela) sucede nun castelo. Recordade os pasos a seguir para a escritura: 1º- Pensar.- Pensar o título, a historia, organizar as ideas… 2º- Escribir.- Os textos narrativos, coma o conto, deben ter tres partes: introdución, desenvolvemento e desenlace. Ademais de prestar atención a isto, á hora de escribir hai que fixarse en facer boa letra, deixar marxe, poñer maiúscula cando é necesario e puntuar o texto. 3º- Repasar. Ler o que escribimos e facer correccións se é necesario. Cando rematedes de escribir o conto facede un debuxo para ilustralo. Ánimo, que xa falta moi pouquiño para esas merecidas vacacións! Unha aperta A...
Leer más