Lingua Galega e Literatura: O Courel

Bos días a todas e todos!

Estivestes algunha vez no Courel?
Eu fun varias veces, pero só unha vez tiven tempo suficiente para facer unha ruta de sendeirismo. Encantoume a paisaxe!

Para referirse a este fermoso lugar de Galicia ás veces escoitaredes a palabra “Caurel” no lugar de “Courel”. O nome oficial é Courel, aínda que hai xente que emprega a variante Caurel, como no conto e canción A princesa do Caurel que vos presentei a semana pasada.

PROPOSTA DE ACTIVIDADES

Damos un paseo pola serra do Courel?
Farémolo a través da páxina web de Turismo de Galicia da Xunta de Galicia, accedendo xa directamente á ruta do Courel. Pincha nesta ligazón en azul: Ruta turística do Courel


Nada máis entrar podedes ver o vídeo introdutorio.

Despois, fixádevos na parte de arriba da páxina. Xusto á esquerda do buscador, podedes despregar o listado de idiomas no que está dispoñible o texto da páxina: 10 idiomas! Recoméndovos que selecciones primeiro o galego. Despois podedes ir cambiando os idiomas para ver que diferentes son. Non esquezades seleccionar nalgunha ocasión o inglés!

Dedicádelle uns minutos a ver as fotografías, ler os títulos das mesmas e ler varios fragmentos de texto (algúns, non todos!). Veredes que non se trata dun conto, nin dunha carta, senón dun texto con información sobre a ruta do Courel (un texto informativo).

Tamén podedes abrir o mapa interactivo e acceder a máis fotografías, información, facer buscas utilizando o listado que aparece á esquerda ou utilizar os signos “+” e “-“ da esquina inferior dereita para achegar ou afastar a imaxe.

Escribimos oracións

Despois de ver o vídeo, as imaxes e ler algún fragmento de texto sobre o Courel, poderedes copiar e completar as oracións:



 Que desfrutedes coa fermosa paisaxe do Courel!

Unha aperta
A titora de 2º

Entradas populares de este blog

Ecosystems

Imagen
Good morning kids, We are going to introduce a new unit to review living and nonliving things. Do you know what is an ecosystem? An  ecosystem  is a community made up of  living  and  nonliving  things in their natural environment.  Nonliving  things do not grow, need food, or reproduce. Some examples of important  nonliving  things in an  ecosystem  are sunlight, water, air, wind, rocks, and soil. Ok! Take your Natural science book and open on the new unit, Unit 6.  Look at the picture on page 52 and try to answer the questions orally, don't write, just have a little conversation about the picture. Then complete the activities on page 53. Remember to read the instructions carefully.
Leer más

Lingua Galega e Literatura: O meu barco

Imagen
Bos días! Esta actividade de galego ten varias partes e leva facela máis dunha sesión de clase, por iso non vou propoñer ningunha de castelán, aínda que a recomendación de ler uns minutos mantense para todos os días. Sabedes algunha canción en galego que teña relación co mar, cos barcos ou cos mariñeiros? A min gústame moito esta parte da letra de  Amor rianxeiro , tamén coñecida como  Vento mareiro  ("mareiro" significa favorable para navegar), unha canción popular galega: “Non lle temas, mariñeiro, ó ventiño do mar, que o vento mareiro dá mellor navegar. Se navegas pola ría de Rianxo verás as estrelas e a lúa darlle bicos ó mar”. Non vos parece fermoso iso de que as estrelas e a lúa lle dean bicos ao mar? Preguntade ás vosas familias se coñecen outras cancións en galego que garden relación co mundo do mar. Vós tamén sabedes unha que cantamos ás veces no colexio. Pista: comeza coa palabra “amoriños”. Podedes facer un listado cos títulos de t...
Leer más

Lingua Galega e Literatura: Conto (escritura creativa)

Imagen
Moi bos días! Hoxe propóñovos escribir un conto con título libre, pero con dúas condicións: 1.- O protagonista ou a protagonista ten que ser un destes personaxes, aínda que podedes cambiarlle o nome e inventar unha historia completamente diferente á da película na que aparece: 2.- Unha parte da historia (ou toda ela) sucede nun castelo. Recordade os pasos a seguir para a escritura: 1º- Pensar.- Pensar o título, a historia, organizar as ideas… 2º- Escribir.- Os textos narrativos, coma o conto, deben ter tres partes: introdución, desenvolvemento e desenlace. Ademais de prestar atención a isto, á hora de escribir hai que fixarse en facer boa letra, deixar marxe, poñer maiúscula cando é necesario e puntuar o texto. 3º- Repasar. Ler o que escribimos e facer correccións se é necesario. Cando rematedes de escribir o conto facede un debuxo para ilustralo. Ánimo, que xa falta moi pouquiño para esas merecidas vacacións! Unha aperta A...
Leer más