Lingua Galega e Literatura: Un conto curto


Benqueridos nenos e nenas de 2º:

Quedaramos en que neste “Mes do libro” vos ía presentar algúns dos meus libros e historias favoritas. Uns encantábanme cando era nena, outros descubrinos máis adiante, como é o caso deste relato que reproduzo a continuación. Titúlase “O neno que imaxinaba” e pertence ao libro Contos para nenos que dormen deseguida, de Pinto & Chinto. Cando o leades notaredes que este neno ten bastante en común con nós nestes días, aínda que por diferente motivo.

O neno que imaxinaba
Aquel neno era o único neno na aldea, non había ningún outro neno con quen xogar, así que aquel neno creou un amigo imaxinario. Como aquel neno e o seu amigo imaxinario non tiñan xoguetes, aquel neno creou unha bicicleta imaxinaria, e unha pelota imaxinaria, e un imaxinario cabalo de cartón.
O inverno estaba sendo moi duro na aldea, e os pais daquel neno non o deixaban saír fóra. Entón aquel neno imaxinou que era verán, e imaxinou que el e mais o seu amigo imaxinario saían fóra, e imaxinou que corrían polos campos, e imaxinou que collían froita madura das árbores, e imaxinou que ían bañarse ao río.
E logo aquel neno imaxinou que alguén escribiría esta historia, e que alguén a estaría lendo neste preciso momento.
Pinto & Chinto (2013). Contos para nenos que dormen deseguida. Kalandraka, Pontevedra, p. 45.

Actividades
Le o conto en silencio varias veces, tratando de comprendelo.
Le o conto en voz alta.

Contesta ás seguintes preguntas comentándoas con alguén ou por escrito:
  1. O protagonista do conto, por que non xogaba con outros nenos?
  2. Por que creou xoguetes imaxinarios?
  3. Por que non podía saír fóra da casa?
  4. Que imaxinou para o verán?
  5. Se ti foses o/a protagonista do conto, que xoguetes imaxinarios crearías? E que imaxinarías para o verán?
  6. Que nome lle poñerías a este neno?
  7. Como imaxinas a este neno? Describe, oralmente ou por escrito, o seu aspecto físico, a roupa coa que o imaxinas e a súa forma de ser.
  8. Como imaxinas ao seu amigo imaxinario?

Por último, imaxina que che encargan ilustrar este conto. Fai o debuxo que che gustaría atopar xunto a el nas páxinas do libro. Non tes porque seguir o estilo da cuberta. A ilustración deste conto pode ser como ti queiras.

Que teñas moi bo día e que imaxines moitas cousas bonitas!

Unha aperta
A titora de 2º

Entradas populares de este blog

Ecosystems

Imagen
Good morning kids, We are going to introduce a new unit to review living and nonliving things. Do you know what is an ecosystem? An  ecosystem  is a community made up of  living  and  nonliving  things in their natural environment.  Nonliving  things do not grow, need food, or reproduce. Some examples of important  nonliving  things in an  ecosystem  are sunlight, water, air, wind, rocks, and soil. Ok! Take your Natural science book and open on the new unit, Unit 6.  Look at the picture on page 52 and try to answer the questions orally, don't write, just have a little conversation about the picture. Then complete the activities on page 53. Remember to read the instructions carefully.
Leer más

Lingua Galega e Literatura: O meu barco

Imagen
Bos días! Esta actividade de galego ten varias partes e leva facela máis dunha sesión de clase, por iso non vou propoñer ningunha de castelán, aínda que a recomendación de ler uns minutos mantense para todos os días. Sabedes algunha canción en galego que teña relación co mar, cos barcos ou cos mariñeiros? A min gústame moito esta parte da letra de  Amor rianxeiro , tamén coñecida como  Vento mareiro  ("mareiro" significa favorable para navegar), unha canción popular galega: “Non lle temas, mariñeiro, ó ventiño do mar, que o vento mareiro dá mellor navegar. Se navegas pola ría de Rianxo verás as estrelas e a lúa darlle bicos ó mar”. Non vos parece fermoso iso de que as estrelas e a lúa lle dean bicos ao mar? Preguntade ás vosas familias se coñecen outras cancións en galego que garden relación co mundo do mar. Vós tamén sabedes unha que cantamos ás veces no colexio. Pista: comeza coa palabra “amoriños”. Podedes facer un listado cos títulos de t...
Leer más

Lingua Galega e Literatura: Conto (escritura creativa)

Imagen
Moi bos días! Hoxe propóñovos escribir un conto con título libre, pero con dúas condicións: 1.- O protagonista ou a protagonista ten que ser un destes personaxes, aínda que podedes cambiarlle o nome e inventar unha historia completamente diferente á da película na que aparece: 2.- Unha parte da historia (ou toda ela) sucede nun castelo. Recordade os pasos a seguir para a escritura: 1º- Pensar.- Pensar o título, a historia, organizar as ideas… 2º- Escribir.- Os textos narrativos, coma o conto, deben ter tres partes: introdución, desenvolvemento e desenlace. Ademais de prestar atención a isto, á hora de escribir hai que fixarse en facer boa letra, deixar marxe, poñer maiúscula cando é necesario e puntuar o texto. 3º- Repasar. Ler o que escribimos e facer correccións se é necesario. Cando rematedes de escribir o conto facede un debuxo para ilustralo. Ánimo, que xa falta moi pouquiño para esas merecidas vacacións! Unha aperta A...
Leer más