MES DO LIBRO. VIAXAR COA IMAXINACIÓN!

Abril é o mes do libro. Onte celebrouse o Día Internacional do Libro Infantil e Xuvenil e o día 23 celebrarase o Día Mundial do Libro e os Dereitos de Autor.
Por iso, para este mes propóñoche dedicar todos os días uns minutos a un libro, sexa en papel ou dixital. Valen libros de todo tipo: de contos, de poesía, de aventuras, de receitas, de biografías, de inventos, de curiosidades, de animais, de plantas, novelas, enciclopedias, cómics... 📖


Escolle cada día un libro e dedícalle algún tempo. Se é en papel fíxate na cuberta (por fóra, parte de diante), na contracuberta (por fóra, parte de atrás), no lombo (por fóra, a parte que ves nesta foto), no índice, no número de páxinas, nas ilustracións… Le todos os días en silencio e tamén uns minutos en voz alta.

E que me dis dos teus libros favoritos? 💖 Eses que che gusta ver e ler unha e outra vez? Dedícalle tamén un tempo e preséntallos a alguén, como faciamos na clase.
Como non podemos ir ás bibliotecas, podemos acceder ás propostas das súas webs e blogs. Tamén temos a opción dos contacontos. Por exemplo, a sección “Contos contados” de KalandrakaTV: http://www.kalandraka.tv/gl/index.php


Cando rematen as vacacións de Semana Santa propoñereivos algunhas actividades relacionadas cos libros. Polo momento...

HOXE PRESENTO... UN CONTO E UN POEMA

El hombrecillo de la lluvia, de Gianni Rodari, é un conto curto moi fermoso, tanto polo texto como polas ilustracións. Aquí podedes ver as primeiras páxinas animadas: 
https://youtu.be/WhyQNLELOFE

Ler, contar, inventar e xogar cos contos pode resultar tremendamente divertido. Como di Antón Cortizas neste poema, poden ser contos longos, de veras, disparatados, de risa...

Heiche contar…
Heiche contar un conto moi longo
que non ten final, tampouco principio.
Heiche contar un conto de risa:
isto era unha vez un rei sen camisa.
Heiche contar un conto de veras:
por moito que penso non sei como era.
Heiche contar un conto sen présas
que nunca se acaba nin nunca comeza.
Antón Cortizas

Aínda que nesta Semana Santa non podemos viaxar nin saír da casa, sempre temos a opción de deixarnos levar pola nosa imaxinación. Coa axuda dos libros podemos viaxar por todo o mundo sen movernos do sitio!

Unha forte aperta e os meus mellores desexos para estes días de vacacións

A vosa titora

Entradas populares de este blog

Ecosystems

Imagen
Good morning kids, We are going to introduce a new unit to review living and nonliving things. Do you know what is an ecosystem? An  ecosystem  is a community made up of  living  and  nonliving  things in their natural environment.  Nonliving  things do not grow, need food, or reproduce. Some examples of important  nonliving  things in an  ecosystem  are sunlight, water, air, wind, rocks, and soil. Ok! Take your Natural science book and open on the new unit, Unit 6.  Look at the picture on page 52 and try to answer the questions orally, don't write, just have a little conversation about the picture. Then complete the activities on page 53. Remember to read the instructions carefully.
Leer más

Lingua Galega e Literatura: O meu barco

Imagen
Bos días! Esta actividade de galego ten varias partes e leva facela máis dunha sesión de clase, por iso non vou propoñer ningunha de castelán, aínda que a recomendación de ler uns minutos mantense para todos os días. Sabedes algunha canción en galego que teña relación co mar, cos barcos ou cos mariñeiros? A min gústame moito esta parte da letra de  Amor rianxeiro , tamén coñecida como  Vento mareiro  ("mareiro" significa favorable para navegar), unha canción popular galega: “Non lle temas, mariñeiro, ó ventiño do mar, que o vento mareiro dá mellor navegar. Se navegas pola ría de Rianxo verás as estrelas e a lúa darlle bicos ó mar”. Non vos parece fermoso iso de que as estrelas e a lúa lle dean bicos ao mar? Preguntade ás vosas familias se coñecen outras cancións en galego que garden relación co mundo do mar. Vós tamén sabedes unha que cantamos ás veces no colexio. Pista: comeza coa palabra “amoriños”. Podedes facer un listado cos títulos de t...
Leer más

Lingua Galega e Literatura: Conto (escritura creativa)

Imagen
Moi bos días! Hoxe propóñovos escribir un conto con título libre, pero con dúas condicións: 1.- O protagonista ou a protagonista ten que ser un destes personaxes, aínda que podedes cambiarlle o nome e inventar unha historia completamente diferente á da película na que aparece: 2.- Unha parte da historia (ou toda ela) sucede nun castelo. Recordade os pasos a seguir para a escritura: 1º- Pensar.- Pensar o título, a historia, organizar as ideas… 2º- Escribir.- Os textos narrativos, coma o conto, deben ter tres partes: introdución, desenvolvemento e desenlace. Ademais de prestar atención a isto, á hora de escribir hai que fixarse en facer boa letra, deixar marxe, poñer maiúscula cando é necesario e puntuar o texto. 3º- Repasar. Ler o que escribimos e facer correccións se é necesario. Cando rematedes de escribir o conto facede un debuxo para ilustralo. Ánimo, que xa falta moi pouquiño para esas merecidas vacacións! Unha aperta A...
Leer más