Como entrar na Aula Virtual do Colexio para entregar tarefas

Bos días!

Ao longo do día de hoxe enviareille ás vosas familias a través de abalarMóbil o voso nome de usuario e contrasinal para que poidades acceder á Aula Virtual do Colexio (Moodle), que empregaremos, polo momento, para recibir e poder comentar os vosos traballos.

Para acceder á Aula Virtual só tedes que entrar na páxina web do Colexio,  www.colexionslourdes.es e, en Enlaces, premer sobre Aula Virtual (acceso restrinxido). A continuación, introducides os vosos datos (usuario e contrasinal) e poderedes ver as áreas nas que estades matriculados. Dentro dalgunhas áreas hai xa creadas entradas para a entrega dalgunhas das actividades que vos pedimos que gardarades. Iremos engadindo máis pouco a pouco. Tamén hai a opción de entregar outras tarefas que fixerades e que vos faga ilusión compartir con nós.
Para guiarvos no proceso preparamos este vídeo:


Para facer as entregas dos vosos traballos dixitais tedes que agregar os arquivos (en Word, Odt ou PDF) e gardalos. Para entregar os textos manuscritos e as composicións plásticas, podedes sacarlles unha fotografía. Tamén podedes empregar un recurso gratuíto, Microsoft Office Lens – PDF Scanner. Posibilita facer unha foto de calquera documento (PDF, ficha, folio, folla da libreta…) co teléfono móbil 📱 e convertela automaticamente a formato PDF 📜, co cal é máis doado de gardar e de enviar. Deixámosvos os enlaces ás páxinas onde poderedes atopar a información desta ferramenta 👇 .


App Store:
👉https://apps.apple.com/es/app/microsoft-office-lens-pdf-scan/id975925059👈

Google Play:
👉https://play.google.com/store/apps/details?id=com.microsoft.office.officelens&gl=ES👈
Se tedes algunha dúbida as vosas familias poden preguntarme a través de abalarMóbil ou por correo electrónico. Tamén podedes preguntarme durante as videoconferencias.

Non é necesario entregar todas as tarefas que vos pedimos gardar de golpe, teñen marcadas unhas datas de entrega para orientarvos, pero hai bastante marxe.

Unha aperta
A vosa titora

Entradas populares de este blog

Lingua Galega e Literatura: O meu barco

Imagen
Bos días! Esta actividade de galego ten varias partes e leva facela máis dunha sesión de clase, por iso non vou propoñer ningunha de castelán, aínda que a recomendación de ler uns minutos mantense para todos os días. Sabedes algunha canción en galego que teña relación co mar, cos barcos ou cos mariñeiros? A min gústame moito esta parte da letra de  Amor rianxeiro , tamén coñecida como  Vento mareiro  ("mareiro" significa favorable para navegar), unha canción popular galega: “Non lle temas, mariñeiro, ó ventiño do mar, que o vento mareiro dá mellor navegar. Se navegas pola ría de Rianxo verás as estrelas e a lúa darlle bicos ó mar”. Non vos parece fermoso iso de que as estrelas e a lúa lle dean bicos ao mar? Preguntade ás vosas familias se coñecen outras cancións en galego que garden relación co mundo do mar. Vós tamén sabedes unha que cantamos ás veces no colexio. Pista: comeza coa palabra “amoriños”. Podedes facer un listado cos títulos de t...
Leer más

Lingua Galega e Literatura: Oracións a partir dun texto

Imagen
Moi bos días! A proposta de hoxe combina lectura, expresión oral e escritura. Pódese facer co exemplo que explico a continuación ou, se non tedes á man A nave dos libros , con outra lenda, fábula ou conto. Imaxe de "loulou Nash" en Pixabay Lembrades a lenda da cortiza máxica? Aquela parella formada por Xoán e Rosana que tiña como veciña a Ursuliña, unha bruxa que facía das súas cos seus beberaxes e conxuros. Agora si? Buscade a lectura en A nave dos libros . Despois de lela varias veces, contádella a alguén (tamén vale a un público imaxinario 😉 ). A continuación, toca escribir oracións relacionadas coa lectura, coidando a caligrafía e lembrando poñer maiúscula inicial no comezo de cada oración e nos nomes propios. Tamén temos que recordar poñer punto a final de oración. Por exemplo: Podedes copiar estas oracións e escribir outras dez ou as que teñades tempo. Non ten que ser todas á vez, o traballo pódese repartir ao longo do día ou da semana. ...
Leer más

Lingua Galega e Literatura: A voltas cos museos

Imagen
Bos días! Que tal pasastes a fin de semana das Letras Galegas? Deuvos tempo a facer algunha das actividades sobre Ricardo Carvalho Calero? E a receita con salmón? Imos de celebración en celebración, porque onte, 18 de maio, foi o Día Internacional dos Museos. E xa sabedes o moito que me gustan a min os museos!  Como acontece con outras datas sinaladas, cada ano escóllese un lema para a celebración. O deste ano 2020 foi “Museos pola igualdade: diversidade e inclusión”. O cartel escollido polo ICOM (International Council of Museums = Consello Internacional dos Museos), o máximo organismo mundial dos museos e profesionais que traballan nos museos, foi este: Fonte da imaxe:  https://icom.museum/es/ “Museos pola igualdade: diversidade e inclusión” significa museos accesibles a todos e todas, pero tamén a todas as ideas e a todas as miradas. O cartel trata de representar a diversidade, pero se vos fixades os debuxos repítense. As persoas están representadas ...
Leer más