Lingua Galega e Literatura: Preparando a celebración das Letras Galegas

Moi bos días!

Nota: se é posible, sería xenial que tiverades feitas estas actividades para a videoconferencia de mañá xoves, porque faremos unha pequena celebración do Día das Letras Galegas.

Onte presenteivos ao escritor homenaxeado este ano o Día das Letras Galegas. Acordádevos de quen se trata?
É Ricardo Carballo Calero, quen asinaba as súas obras como Ricardo Carvalho Calero.
Cando poidades lede de novo a súa biografía, que está no post de onte.

Xa sabedes que cando se achega esta data, ademais de traballar co autor ao que se lle dedica o Día das Letras, gústanos ler moitos textos en galego doutros autores e autoras. As actividades que seguen non teñen que ver con Ricardo, pero si coa literatura galega. Mañá entenderedes o seu sentido 😉.

1.- Que é un espantallo? Buscádeo no dicionario online da Real Academia Galega e lede o primeiro dos significados: https://academia.gal/dicionario

2.- Coñecedes algunha canción que fale dun espantallo? Eu si, e encántame! A ver que vos parece. Pinchade neste título para escoitala:

O ESPANTALLO DIVERTIDO

3.- Cos espantallos tratamos de asustar os paxaros para evitar que coman as froitas ou sementes, pero non lles facemos dano. Por iso, ás veces, nos contos e cancións os paxariños acaban facéndose amigos dos espantallos. Este merlo está moi tranquilo no brazo do espantallo!


Tócavos debuxar un espantallo e colorealo (válenos con calquera técnica de debuxo ou pintura). Podedes facelo como vos guste, sempre que cumpra as seguintes condicións:

- Poñédelle nome e escribídeo no título: “O MEU ESPANTALLO ----“.

- Ten que ter sombreiro.

- Non pode levar gravata.

- Os paxaros son os seus amigos.

Sei que todo parece moi estraño, pero non vos podo dicir nada máis. Tede o voso debuxo cerca para a videoconferencia do xoves, PERO NON O ENSINEDES ATA QUE VOS DIGAMOS! Aínda que vos pareza que xa é o momento, esperade polo aviso.

Queridos e queridas artistas: a debuxar fermosos espantallos!

Unha aperta
A vosa titora

Entradas populares de este blog

Lingua Galega e Literatura: O meu barco

Imagen
Bos días! Esta actividade de galego ten varias partes e leva facela máis dunha sesión de clase, por iso non vou propoñer ningunha de castelán, aínda que a recomendación de ler uns minutos mantense para todos os días. Sabedes algunha canción en galego que teña relación co mar, cos barcos ou cos mariñeiros? A min gústame moito esta parte da letra de  Amor rianxeiro , tamén coñecida como  Vento mareiro  ("mareiro" significa favorable para navegar), unha canción popular galega: “Non lle temas, mariñeiro, ó ventiño do mar, que o vento mareiro dá mellor navegar. Se navegas pola ría de Rianxo verás as estrelas e a lúa darlle bicos ó mar”. Non vos parece fermoso iso de que as estrelas e a lúa lle dean bicos ao mar? Preguntade ás vosas familias se coñecen outras cancións en galego que garden relación co mundo do mar. Vós tamén sabedes unha que cantamos ás veces no colexio. Pista: comeza coa palabra “amoriños”. Podedes facer un listado cos títulos de t...
Leer más

Lingua Galega e Literatura: Oracións a partir dun texto

Imagen
Moi bos días! A proposta de hoxe combina lectura, expresión oral e escritura. Pódese facer co exemplo que explico a continuación ou, se non tedes á man A nave dos libros , con outra lenda, fábula ou conto. Imaxe de "loulou Nash" en Pixabay Lembrades a lenda da cortiza máxica? Aquela parella formada por Xoán e Rosana que tiña como veciña a Ursuliña, unha bruxa que facía das súas cos seus beberaxes e conxuros. Agora si? Buscade a lectura en A nave dos libros . Despois de lela varias veces, contádella a alguén (tamén vale a un público imaxinario 😉 ). A continuación, toca escribir oracións relacionadas coa lectura, coidando a caligrafía e lembrando poñer maiúscula inicial no comezo de cada oración e nos nomes propios. Tamén temos que recordar poñer punto a final de oración. Por exemplo: Podedes copiar estas oracións e escribir outras dez ou as que teñades tempo. Non ten que ser todas á vez, o traballo pódese repartir ao longo do día ou da semana. ...
Leer más

Lingua Galega e Literatura: A voltas cos museos

Imagen
Bos días! Que tal pasastes a fin de semana das Letras Galegas? Deuvos tempo a facer algunha das actividades sobre Ricardo Carvalho Calero? E a receita con salmón? Imos de celebración en celebración, porque onte, 18 de maio, foi o Día Internacional dos Museos. E xa sabedes o moito que me gustan a min os museos!  Como acontece con outras datas sinaladas, cada ano escóllese un lema para a celebración. O deste ano 2020 foi “Museos pola igualdade: diversidade e inclusión”. O cartel escollido polo ICOM (International Council of Museums = Consello Internacional dos Museos), o máximo organismo mundial dos museos e profesionais que traballan nos museos, foi este: Fonte da imaxe:  https://icom.museum/es/ “Museos pola igualdade: diversidade e inclusión” significa museos accesibles a todos e todas, pero tamén a todas as ideas e a todas as miradas. O cartel trata de representar a diversidade, pero se vos fixades os debuxos repítense. As persoas están representadas ...
Leer más