Plástica: Colaxe


Bos días!

Como sabedes, unha colaxe (collage) é unha técnica de expresión plástica na que se pegan diferentes recortes de papel ou outros materiais sobre unha superficie. Cando o facemos con papeis podémolos cortar coas tesoiras ou rachalos coas mans para crear diferentes efectos.

Aquí tedes un vídeo no que se explica esta técnica:


En clase comezaramos unha colaxe (tédela na cartolina que vos enviei co material) inspirada nas ilustracións de El hombrecillo de la lluvia, de Gianni Rodari, do que tamén fixeramos un debuxo imitando as ilustracións de Nicoletta Costa (o debuxo tédelo no sobre de Plástica). Acordádesvos?


Agora podedes completar esa colaxe na casa. Na aula fixeramos as montañas con papel de periódico e algúns/algunhas tedes tamén pegadas as nubes (se non as pegastes mirade na caixa por se as tedes gardadas).

O resultado desta primeira etapa podería ser parecido a este:



A segunda etapa consiste en completar a colaxe con materiais de refugallo (envases ou restos de papeis), recortes de revistas ou o que se vos ocorra.
Eu fíxeno recortando caixas de cartón de diferentes alimentos, plástico dos paquetes dalgúns alimentos e os restos de afiar ceras. Tamén perfilei as montañas con pintura e as nubes con rotulador.


Non tedes que seguir este modelo! Tedes liberdade para crear a vosa propia composición, sempre que se trate dunha colaxe.


Que desfrutedes creando!
Podedes entregar esta tarefa na Aula Virtual, ata o 5 de xuño.


Unha aperta
A vosa titora

Entradas populares de este blog

Lingua Galega e Literatura: O meu barco

Imagen
Bos días! Esta actividade de galego ten varias partes e leva facela máis dunha sesión de clase, por iso non vou propoñer ningunha de castelán, aínda que a recomendación de ler uns minutos mantense para todos os días. Sabedes algunha canción en galego que teña relación co mar, cos barcos ou cos mariñeiros? A min gústame moito esta parte da letra de  Amor rianxeiro , tamén coñecida como  Vento mareiro  ("mareiro" significa favorable para navegar), unha canción popular galega: “Non lle temas, mariñeiro, ó ventiño do mar, que o vento mareiro dá mellor navegar. Se navegas pola ría de Rianxo verás as estrelas e a lúa darlle bicos ó mar”. Non vos parece fermoso iso de que as estrelas e a lúa lle dean bicos ao mar? Preguntade ás vosas familias se coñecen outras cancións en galego que garden relación co mundo do mar. Vós tamén sabedes unha que cantamos ás veces no colexio. Pista: comeza coa palabra “amoriños”. Podedes facer un listado cos títulos de t...
Leer más

Lingua Galega e Literatura: Oracións a partir dun texto

Imagen
Moi bos días! A proposta de hoxe combina lectura, expresión oral e escritura. Pódese facer co exemplo que explico a continuación ou, se non tedes á man A nave dos libros , con outra lenda, fábula ou conto. Imaxe de "loulou Nash" en Pixabay Lembrades a lenda da cortiza máxica? Aquela parella formada por Xoán e Rosana que tiña como veciña a Ursuliña, unha bruxa que facía das súas cos seus beberaxes e conxuros. Agora si? Buscade a lectura en A nave dos libros . Despois de lela varias veces, contádella a alguén (tamén vale a un público imaxinario 😉 ). A continuación, toca escribir oracións relacionadas coa lectura, coidando a caligrafía e lembrando poñer maiúscula inicial no comezo de cada oración e nos nomes propios. Tamén temos que recordar poñer punto a final de oración. Por exemplo: Podedes copiar estas oracións e escribir outras dez ou as que teñades tempo. Non ten que ser todas á vez, o traballo pódese repartir ao longo do día ou da semana. ...
Leer más

Lingua Galega e Literatura: A voltas cos museos

Imagen
Bos días! Que tal pasastes a fin de semana das Letras Galegas? Deuvos tempo a facer algunha das actividades sobre Ricardo Carvalho Calero? E a receita con salmón? Imos de celebración en celebración, porque onte, 18 de maio, foi o Día Internacional dos Museos. E xa sabedes o moito que me gustan a min os museos!  Como acontece con outras datas sinaladas, cada ano escóllese un lema para a celebración. O deste ano 2020 foi “Museos pola igualdade: diversidade e inclusión”. O cartel escollido polo ICOM (International Council of Museums = Consello Internacional dos Museos), o máximo organismo mundial dos museos e profesionais que traballan nos museos, foi este: Fonte da imaxe:  https://icom.museum/es/ “Museos pola igualdade: diversidade e inclusión” significa museos accesibles a todos e todas, pero tamén a todas as ideas e a todas as miradas. O cartel trata de representar a diversidade, pero se vos fixades os debuxos repítense. As persoas están representadas ...
Leer más