LCL / LGL: Fin de curso


Moi bos días!

Por fin chegou este día especial de fin de curso que tanto desexabades algúns e algunhas. Non é de estrañar, porque traballastes moitísimo!

 No verán conto con que todos e todas leades, en castelán e en galego, e que escribades de vez en cando (receitas, xogos de palabras, un poema, un conto...). Se queredes facer actividades como as que propuxen estes meses, buscade as que máis vos gusten nos posts de Lingua Galega e Literatura e Lengua Castellana y Literatura e introducídelle algunha variante. Nos que publiquei esta semana fixen un breve repaso que tamén vos poderá servir de axuda.

Actividades para celebrar o remate do curso:
Queredes saber que me gustaba ver a min de nena na televisión? Tíñao reservado para o último día de clase, penso que vos fará rir, porque pasaron os anos e cambiaron as modas... Trátase dun fragmento dun episodio de Barrio Sésamo que ten que ver coas vacacións de verán. Polo minuto 2:25 comeza unha canción moi pegadiza, pero quizais vos guste ver tamén os instantes anteriores:


Se despois desta canción tedes ganas de escribir, adiante: podedes contar cales foron os mellores momentos do curso e facer un debuxo, facer un listado de plans para o verán, inventar rimas relacionadas con fin de curso ou coa chegada do verán ou escribir un conto para o osiño que encabeza o post.
Tamén podedes aproveitar para ler. Iso sempre!

 Para fin de curso tamén reservara dous vídeos coas introducións de debuxos animados en galego. Para practicar o idioma axúdanos ler, escribir, falar, pero tamén escoitalo. Aproveitade para ver algunha vez debuxos animados en galego! Estes son de hai anos:

 De Bola do dragón Z escollín esta canción:


E, pola relación que garda co noso lema de curso, remataremos co Capitán Planeta:


¡FELICES VACACIONES! FELICES VACACIÓNS!
¡BUEN VERANO! BO VERÁN!

Entradas populares de este blog

Lingua Galega e Literatura: O meu barco

Imagen
Bos días! Esta actividade de galego ten varias partes e leva facela máis dunha sesión de clase, por iso non vou propoñer ningunha de castelán, aínda que a recomendación de ler uns minutos mantense para todos os días. Sabedes algunha canción en galego que teña relación co mar, cos barcos ou cos mariñeiros? A min gústame moito esta parte da letra de  Amor rianxeiro , tamén coñecida como  Vento mareiro  ("mareiro" significa favorable para navegar), unha canción popular galega: “Non lle temas, mariñeiro, ó ventiño do mar, que o vento mareiro dá mellor navegar. Se navegas pola ría de Rianxo verás as estrelas e a lúa darlle bicos ó mar”. Non vos parece fermoso iso de que as estrelas e a lúa lle dean bicos ao mar? Preguntade ás vosas familias se coñecen outras cancións en galego que garden relación co mundo do mar. Vós tamén sabedes unha que cantamos ás veces no colexio. Pista: comeza coa palabra “amoriños”. Podedes facer un listado cos títulos de t...
Leer más

Lingua Galega e Literatura: Oracións a partir dun texto

Imagen
Moi bos días! A proposta de hoxe combina lectura, expresión oral e escritura. Pódese facer co exemplo que explico a continuación ou, se non tedes á man A nave dos libros , con outra lenda, fábula ou conto. Imaxe de "loulou Nash" en Pixabay Lembrades a lenda da cortiza máxica? Aquela parella formada por Xoán e Rosana que tiña como veciña a Ursuliña, unha bruxa que facía das súas cos seus beberaxes e conxuros. Agora si? Buscade a lectura en A nave dos libros . Despois de lela varias veces, contádella a alguén (tamén vale a un público imaxinario 😉 ). A continuación, toca escribir oracións relacionadas coa lectura, coidando a caligrafía e lembrando poñer maiúscula inicial no comezo de cada oración e nos nomes propios. Tamén temos que recordar poñer punto a final de oración. Por exemplo: Podedes copiar estas oracións e escribir outras dez ou as que teñades tempo. Non ten que ser todas á vez, o traballo pódese repartir ao longo do día ou da semana. ...
Leer más

Lingua Galega e Literatura: A voltas cos museos

Imagen
Bos días! Que tal pasastes a fin de semana das Letras Galegas? Deuvos tempo a facer algunha das actividades sobre Ricardo Carvalho Calero? E a receita con salmón? Imos de celebración en celebración, porque onte, 18 de maio, foi o Día Internacional dos Museos. E xa sabedes o moito que me gustan a min os museos!  Como acontece con outras datas sinaladas, cada ano escóllese un lema para a celebración. O deste ano 2020 foi “Museos pola igualdade: diversidade e inclusión”. O cartel escollido polo ICOM (International Council of Museums = Consello Internacional dos Museos), o máximo organismo mundial dos museos e profesionais que traballan nos museos, foi este: Fonte da imaxe:  https://icom.museum/es/ “Museos pola igualdade: diversidade e inclusión” significa museos accesibles a todos e todas, pero tamén a todas as ideas e a todas as miradas. O cartel trata de representar a diversidade, pero se vos fixades os debuxos repítense. As persoas están representadas ...
Leer más