Lingua Galega e Literatura: Escribir un conto


Bos días!
Lembrades a actividade de escribir comezos de contos? Se non tivestes tempo de facela non vos preocupedes. Está no post de Lingua Galega e Literatura do 27-5-2020.

Imaxe de Tumisu en Pixabay

Entre todos os comezos de contos que escribistes tedes que escoller un e escribir o conto enteiro.

PASOS:
1.- Escollo o comezo que máis me guste ou do que se me ocorran máis ideas para completar o conto.
2.- Penso: ordeno as ideas, imaxino como será o conto de comezo a fin, coa súa introdución, nó ou desenvolvemento e desenlace ou fin.
3.- Nun folio escribo o título e o comezo da historia, coidando a letra e deixando marxe. Pódoo facer con lapis ou con bolígrafo.
4.- Completo o conto, tendo en conta que a parte máis longa é o nó ou desenvolvemento, a parte na que acontecen as aventuras. Tampouco me esquezo de escribir o desenlace ou parte final, no que se resolven os acontecementos e se pecha a historia.
5.- Repaso o que escribín e comprobo que se lea ben, que haxa maiúscula inicial nas palabras nas que é necesario, algún punto, punto final...
6.- Fago unha ilustración para o conto (un debuxo relacionado co conto).
7.- Se teño ocasión, léollo a algún familiar (para iso teño que ensaiar en silencio e en voz alta primeiro).
8.- Cando teña tempo, envío o meu traballo a través da Aula Virtual. Teño de prazo ata o 7 de xuño ás 15:00.

Que teñades un bo día!
A vosa titora

Entradas populares de este blog

Ecosystems

Imagen
Good morning kids, We are going to introduce a new unit to review living and nonliving things. Do you know what is an ecosystem? An  ecosystem  is a community made up of  living  and  nonliving  things in their natural environment.  Nonliving  things do not grow, need food, or reproduce. Some examples of important  nonliving  things in an  ecosystem  are sunlight, water, air, wind, rocks, and soil. Ok! Take your Natural science book and open on the new unit, Unit 6.  Look at the picture on page 52 and try to answer the questions orally, don't write, just have a little conversation about the picture. Then complete the activities on page 53. Remember to read the instructions carefully.
Leer más

Lingua Galega e Literatura: O meu barco

Imagen
Bos días! Esta actividade de galego ten varias partes e leva facela máis dunha sesión de clase, por iso non vou propoñer ningunha de castelán, aínda que a recomendación de ler uns minutos mantense para todos os días. Sabedes algunha canción en galego que teña relación co mar, cos barcos ou cos mariñeiros? A min gústame moito esta parte da letra de  Amor rianxeiro , tamén coñecida como  Vento mareiro  ("mareiro" significa favorable para navegar), unha canción popular galega: “Non lle temas, mariñeiro, ó ventiño do mar, que o vento mareiro dá mellor navegar. Se navegas pola ría de Rianxo verás as estrelas e a lúa darlle bicos ó mar”. Non vos parece fermoso iso de que as estrelas e a lúa lle dean bicos ao mar? Preguntade ás vosas familias se coñecen outras cancións en galego que garden relación co mundo do mar. Vós tamén sabedes unha que cantamos ás veces no colexio. Pista: comeza coa palabra “amoriños”. Podedes facer un listado cos títulos de t...
Leer más

Lingua Galega e Literatura: Conto (escritura creativa)

Imagen
Moi bos días! Hoxe propóñovos escribir un conto con título libre, pero con dúas condicións: 1.- O protagonista ou a protagonista ten que ser un destes personaxes, aínda que podedes cambiarlle o nome e inventar unha historia completamente diferente á da película na que aparece: 2.- Unha parte da historia (ou toda ela) sucede nun castelo. Recordade os pasos a seguir para a escritura: 1º- Pensar.- Pensar o título, a historia, organizar as ideas… 2º- Escribir.- Os textos narrativos, coma o conto, deben ter tres partes: introdución, desenvolvemento e desenlace. Ademais de prestar atención a isto, á hora de escribir hai que fixarse en facer boa letra, deixar marxe, poñer maiúscula cando é necesario e puntuar o texto. 3º- Repasar. Ler o que escribimos e facer correccións se é necesario. Cando rematedes de escribir o conto facede un debuxo para ilustralo. Ánimo, que xa falta moi pouquiño para esas merecidas vacacións! Unha aperta A...
Leer más