Lingua Galega e Literatura: Lectura comprensiva

Bos días!
Xa sabedes o moito que vos insisto en que busquedes todos os días uns minutos para ler. Escollede textos ou libros que vos gusten e que poidades entender. Poden ser contos, cómics, libros de poemas, de inventos, de animais, de aventuras, de receitas, biografías, etc. Tratade de ler tanto en castelán como en galego, pero non ten que ser todos os días os dous idiomas.
Como parte desas lecturas, hoxe leredes este texto narrativo en galego, que vai acompañado dunhas preguntas:


UN CONCERTO ACCIDENTADO
Todo estaba a punto para as festas. As rúas, coas caras limpas, estaban adornadas con bandeirolas e grilandas de luz. Aquí e alá víanse postos de churros, de flocos de millo, de algodón de azucre, de mazás acarameladas... Ulía a gloria!
Á tardiña, o campo da festa comezou a encherse. Mentres, os operarios remataban de instalar a tarima para o concerto e probaban a megafonía:
- Probando! Probando! Un, dous, tres!
Á hora prevista, a alcaldesa saíu ao balcón con cara de ferreiro. Colleu o micrófono e falou solemnemente:
- Veciños e veciñas! Lamento dicirvos que este ano a festa comezará sen o tradicional concerto da banda municipal.
- O que?
- E logo?
A voz da alcaldesa cortou o rebumbio que formara a xente.
- A banda volvía en autobús desde Lisboa, tras participar nun certame internacional. A tres quilómetros de aquí picaron unha roda e teñen que esperar polo servizo técnico. Total...a banda non vai dar chegado a tempo!
Unha voz alzouse entre a multitude.
- Están só a tres quilómetros? Pois logo, que veñan camiñando!
A xente comezou a aplaudir, pero a alcaldesa explicou:
- Imposible! Terían que vir cargando coas maletas e cos instrumentos, e algúns pesan moito.
A mesma voz de antes dixo:
- Aquí somos moitos. E se os imos axudar?
Meu dito, meu feito! Nun abrir e pechar de ollos, organizouse unha expedición de coches e furgonetas. E, pouco despois, un terremoto de bucinas resoou na praza:
- Xa volven! Velaí os veñen! -oíuse berrar.
Os cincuenta membros da banda entraron triunfalmente na praza, cargados con cadanseu instrumento. Tras deles, a marea de voluntarios levaba maletas, mochilas e bolsas variadas. A xente estalou en calorosos aplausos e os músicos ocuparon a tarima que facía de escenario.
Con algo máis dunha hora de atraso, as festas comezaron como mandaba a tradición: cun magnífico concerto da banda municipal!

Despois de ler o texto tantas veces como sexa necesario para comprendelo, contestade a estas preguntas:
a.    Que facían os veciños reunidos?
b.    Quen lles falou aos veciños desde o balcón? 
c.     Que lles comunicou aos veciños? 
d.    Que decidiron facer os veciños? Escolle a resposta correcta:
  • Esperar a que os músicos volveran andando, porque estaban cerca.
  • Marchar cos seus vehículos a buscar os músicos e as equipaxes.
  • Suspender a festa e deixar a celebración para outro día.
Para rematar o traballo podedes facer un debuxo relacionado coa lectura.

Unha aperta
A vosa titora

 Fonte do texto: VV.AA. (2015). Lingua Primaria 2. Segundo trimestre. Santiago de Compostela, Santillana Obradoiro, pp. 72-73.

Entradas populares de este blog

Ecosystems

Imagen
Good morning kids, We are going to introduce a new unit to review living and nonliving things. Do you know what is an ecosystem? An  ecosystem  is a community made up of  living  and  nonliving  things in their natural environment.  Nonliving  things do not grow, need food, or reproduce. Some examples of important  nonliving  things in an  ecosystem  are sunlight, water, air, wind, rocks, and soil. Ok! Take your Natural science book and open on the new unit, Unit 6.  Look at the picture on page 52 and try to answer the questions orally, don't write, just have a little conversation about the picture. Then complete the activities on page 53. Remember to read the instructions carefully.
Leer más

Lingua Galega e Literatura: O meu barco

Imagen
Bos días! Esta actividade de galego ten varias partes e leva facela máis dunha sesión de clase, por iso non vou propoñer ningunha de castelán, aínda que a recomendación de ler uns minutos mantense para todos os días. Sabedes algunha canción en galego que teña relación co mar, cos barcos ou cos mariñeiros? A min gústame moito esta parte da letra de  Amor rianxeiro , tamén coñecida como  Vento mareiro  ("mareiro" significa favorable para navegar), unha canción popular galega: “Non lle temas, mariñeiro, ó ventiño do mar, que o vento mareiro dá mellor navegar. Se navegas pola ría de Rianxo verás as estrelas e a lúa darlle bicos ó mar”. Non vos parece fermoso iso de que as estrelas e a lúa lle dean bicos ao mar? Preguntade ás vosas familias se coñecen outras cancións en galego que garden relación co mundo do mar. Vós tamén sabedes unha que cantamos ás veces no colexio. Pista: comeza coa palabra “amoriños”. Podedes facer un listado cos títulos de t...
Leer más

Lingua Galega e Literatura: Conto (escritura creativa)

Imagen
Moi bos días! Hoxe propóñovos escribir un conto con título libre, pero con dúas condicións: 1.- O protagonista ou a protagonista ten que ser un destes personaxes, aínda que podedes cambiarlle o nome e inventar unha historia completamente diferente á da película na que aparece: 2.- Unha parte da historia (ou toda ela) sucede nun castelo. Recordade os pasos a seguir para a escritura: 1º- Pensar.- Pensar o título, a historia, organizar as ideas… 2º- Escribir.- Os textos narrativos, coma o conto, deben ter tres partes: introdución, desenvolvemento e desenlace. Ademais de prestar atención a isto, á hora de escribir hai que fixarse en facer boa letra, deixar marxe, poñer maiúscula cando é necesario e puntuar o texto. 3º- Repasar. Ler o que escribimos e facer correccións se é necesario. Cando rematedes de escribir o conto facede un debuxo para ilustralo. Ánimo, que xa falta moi pouquiño para esas merecidas vacacións! Unha aperta A...
Leer más