Plástica: Amarelo, vermello, azul (1925). Kandinsky (2)

Moi bos días!
Despois de ver as vosas fantásticas composicións plásticas tituladas Kandinsky en el mundo mágico de los colores, toca dar un paso máis. Hoxe teredes que facer a vosa propia versión dun cadro de Kandinsky!
Antes de comezar, imos recordar a obra de Kandinsky a través deste vídeo que tamén vos pode axudar a relaxarvos. Nel podedes ver obras nas que aínda se recoñece a realidade (distinguimos persoas, árbores, casas...) e outras totalmente abstractas, nas que as protagonistas son as liñas, formas e cores.
Wassily Kandinsky cover by Mozart Piano concerto No.23 A major 1st. movement

As obras de arte abstracta non se fan sen pensar, xeralmente teñen moito traballo detrás: hai que ver como combinar as cores, que tipo de liñas e formas utilizar, que materiais empregar... Neste vídeo podedes ver que nas obras de Kandinsky está todo calculado e pensado. Non vos preocupedes se non conseguides ler o texto nin entendedes todo, non é necesario, chega con que vos fagades unha idea:
Kandinsky: color, percepción y sensación

 Tócavos crear a vosa propia versión desta pintura de Kandinsky titulada “Amarelo, vermello, azul”. Pintouna en 1925 e actualmente está no Centre Pompidou de París. Mide nada máis e nada menos que 128 x 201,5 cm! Por suposto, a vosa versión podédela facer nun folio.


Imaxe de dominio público. Crédito da foto : © Service de la documentation photographique du MNAM - Centre Pompidou, MNAM-CCI /Dist. RMN-GP.

Para vela con detalle a ampliala pinchade nesta ligazón e empregade os signos – e + : Amarelo, vermello, azul (1925). Kandinsky. Centre Pompidou 

Podedes empregar os materiais que prefirades. E lembrade, consiste en facer unha versión, non hai que copiar todos os detalles. Como é un traballo difícil, recoméndovos repartilo en varios días.
Encantarame ver como vos quedou. Podedes subilos á Aula Virtual ata o 15 de xuño.

Unha aperta con moito agarimo
A vosa titora

Entradas populares de este blog

Lingua Galega e Literatura: O meu barco

Imagen
Bos días! Esta actividade de galego ten varias partes e leva facela máis dunha sesión de clase, por iso non vou propoñer ningunha de castelán, aínda que a recomendación de ler uns minutos mantense para todos os días. Sabedes algunha canción en galego que teña relación co mar, cos barcos ou cos mariñeiros? A min gústame moito esta parte da letra de  Amor rianxeiro , tamén coñecida como  Vento mareiro  ("mareiro" significa favorable para navegar), unha canción popular galega: “Non lle temas, mariñeiro, ó ventiño do mar, que o vento mareiro dá mellor navegar. Se navegas pola ría de Rianxo verás as estrelas e a lúa darlle bicos ó mar”. Non vos parece fermoso iso de que as estrelas e a lúa lle dean bicos ao mar? Preguntade ás vosas familias se coñecen outras cancións en galego que garden relación co mundo do mar. Vós tamén sabedes unha que cantamos ás veces no colexio. Pista: comeza coa palabra “amoriños”. Podedes facer un listado cos títulos de t...
Leer más

Lingua Galega e Literatura: Oracións a partir dun texto

Imagen
Moi bos días! A proposta de hoxe combina lectura, expresión oral e escritura. Pódese facer co exemplo que explico a continuación ou, se non tedes á man A nave dos libros , con outra lenda, fábula ou conto. Imaxe de "loulou Nash" en Pixabay Lembrades a lenda da cortiza máxica? Aquela parella formada por Xoán e Rosana que tiña como veciña a Ursuliña, unha bruxa que facía das súas cos seus beberaxes e conxuros. Agora si? Buscade a lectura en A nave dos libros . Despois de lela varias veces, contádella a alguén (tamén vale a un público imaxinario 😉 ). A continuación, toca escribir oracións relacionadas coa lectura, coidando a caligrafía e lembrando poñer maiúscula inicial no comezo de cada oración e nos nomes propios. Tamén temos que recordar poñer punto a final de oración. Por exemplo: Podedes copiar estas oracións e escribir outras dez ou as que teñades tempo. Non ten que ser todas á vez, o traballo pódese repartir ao longo do día ou da semana. ...
Leer más

Lingua Galega e Literatura: A voltas cos museos

Imagen
Bos días! Que tal pasastes a fin de semana das Letras Galegas? Deuvos tempo a facer algunha das actividades sobre Ricardo Carvalho Calero? E a receita con salmón? Imos de celebración en celebración, porque onte, 18 de maio, foi o Día Internacional dos Museos. E xa sabedes o moito que me gustan a min os museos!  Como acontece con outras datas sinaladas, cada ano escóllese un lema para a celebración. O deste ano 2020 foi “Museos pola igualdade: diversidade e inclusión”. O cartel escollido polo ICOM (International Council of Museums = Consello Internacional dos Museos), o máximo organismo mundial dos museos e profesionais que traballan nos museos, foi este: Fonte da imaxe:  https://icom.museum/es/ “Museos pola igualdade: diversidade e inclusión” significa museos accesibles a todos e todas, pero tamén a todas as ideas e a todas as miradas. O cartel trata de representar a diversidade, pero se vos fixades os debuxos repítense. As persoas están representadas ...
Leer más