Relixión: A parábola do bo samaritano (Só para alumnado matriculado en Relixión)


Bos días! 😊

No mes de xuño repasaremos algúns contidos de Relixión que traballamos na aula. Hoxe tócanos un que abordamos en todas as áreas e tamén nos recreos: axudar aos demais.
Propóñovos ver estes dous vídeos, que tratan sobre unha das parábolas máis coñecidas: O bo samaritano. As parábolas son breves historias que Xesús contaba á xente que o seguía para ensinarlle e aparecen recollidas na Biblia.
O primeiro vídeo resume a parábola nunha canción e fainos unha pregunta: Cal das persoas que se atopou co home ferido actuou de forma máis humana? É dicir, quen vos parece que actuou mellor? Por que?


No segundo dos vídeos preséntase a parábola con máis detalle, pero a mensaxe é a mesma:


Naquel deserto e naquela época non había teléfonos. Nós, ante unha emerxencia, debemos pedir axuda aos que nos rodean, a unha persoa adulta ou, se estamos sós e temos un teléfono, chamar a un destes números:

112 (emerxencias en xeral)                  061 (emerxencias sanitarias)


Despois de ver os vídeos podedes facer as seguintes actividades:

1.- Contádelle a alguén de que trata esta parábola.

2.- Dobrade un folio en dúas partes iguais imitando un libriño. Abrídeo de novo e collede material de escritura e debuxo.

3.- Na metade da esquerda escribide o título “O bo samaritano” e facede un debuxo relacionado con esta parábola.

4.- Na metade da dereita escribide o título “Eu tamén podo axudar” e debuxade unha ou máis situacións nas que vós podedes axudar aos demais (por exemplo: na casa, na escola, na rúa...).

5.- Coloreade os debuxos con ceras ou rotuladores.

6.-  Sacádelle unha foto a este traballo para enviarmo a través da Aula Virtual (tedes de prazo ata o 7 de xuño ás 15:00 h.).

Se tedes algunha dúbida podedes preguntarme na seguinte videoconferencia.

Unha forte aperta
A vosa titora

Entradas populares de este blog

Lingua Galega e Literatura: O meu barco

Imagen
Bos días! Esta actividade de galego ten varias partes e leva facela máis dunha sesión de clase, por iso non vou propoñer ningunha de castelán, aínda que a recomendación de ler uns minutos mantense para todos os días. Sabedes algunha canción en galego que teña relación co mar, cos barcos ou cos mariñeiros? A min gústame moito esta parte da letra de  Amor rianxeiro , tamén coñecida como  Vento mareiro  ("mareiro" significa favorable para navegar), unha canción popular galega: “Non lle temas, mariñeiro, ó ventiño do mar, que o vento mareiro dá mellor navegar. Se navegas pola ría de Rianxo verás as estrelas e a lúa darlle bicos ó mar”. Non vos parece fermoso iso de que as estrelas e a lúa lle dean bicos ao mar? Preguntade ás vosas familias se coñecen outras cancións en galego que garden relación co mundo do mar. Vós tamén sabedes unha que cantamos ás veces no colexio. Pista: comeza coa palabra “amoriños”. Podedes facer un listado cos títulos de t...
Leer más

Lingua Galega e Literatura: Oracións a partir dun texto

Imagen
Moi bos días! A proposta de hoxe combina lectura, expresión oral e escritura. Pódese facer co exemplo que explico a continuación ou, se non tedes á man A nave dos libros , con outra lenda, fábula ou conto. Imaxe de "loulou Nash" en Pixabay Lembrades a lenda da cortiza máxica? Aquela parella formada por Xoán e Rosana que tiña como veciña a Ursuliña, unha bruxa que facía das súas cos seus beberaxes e conxuros. Agora si? Buscade a lectura en A nave dos libros . Despois de lela varias veces, contádella a alguén (tamén vale a un público imaxinario 😉 ). A continuación, toca escribir oracións relacionadas coa lectura, coidando a caligrafía e lembrando poñer maiúscula inicial no comezo de cada oración e nos nomes propios. Tamén temos que recordar poñer punto a final de oración. Por exemplo: Podedes copiar estas oracións e escribir outras dez ou as que teñades tempo. Non ten que ser todas á vez, o traballo pódese repartir ao longo do día ou da semana. ...
Leer más

Lingua Galega e Literatura: A voltas cos museos

Imagen
Bos días! Que tal pasastes a fin de semana das Letras Galegas? Deuvos tempo a facer algunha das actividades sobre Ricardo Carvalho Calero? E a receita con salmón? Imos de celebración en celebración, porque onte, 18 de maio, foi o Día Internacional dos Museos. E xa sabedes o moito que me gustan a min os museos!  Como acontece con outras datas sinaladas, cada ano escóllese un lema para a celebración. O deste ano 2020 foi “Museos pola igualdade: diversidade e inclusión”. O cartel escollido polo ICOM (International Council of Museums = Consello Internacional dos Museos), o máximo organismo mundial dos museos e profesionais que traballan nos museos, foi este: Fonte da imaxe:  https://icom.museum/es/ “Museos pola igualdade: diversidade e inclusión” significa museos accesibles a todos e todas, pero tamén a todas as ideas e a todas as miradas. O cartel trata de representar a diversidade, pero se vos fixades os debuxos repítense. As persoas están representadas ...
Leer más