Valores sociais e cívicos: Rosa caramelo (Só para alumnado matriculado en V.S.C.)

Bos días!

Nestas últimas semanas de curso propoñereivos algunha actividade de repaso de Valores sociais e cívicos.
A de hoxe ten que ver cun tema do que falamos moito na clase: a igualdade de dereitos dos nenos e das nenas. En concreto, trata sobre o dereito a divertirse e xogar, sen facer distinción entre nenos e nenas.

ACTIVIDADES:

1.- Coñecedes o conto Rosa caramelo? Aquí o tedes nunha versión contada:


2.- Despois de ver o vídeo lede estas preguntas, pensade as respostas e comentádeas con alguén:
  • Que vos parece que os elefantes e as elefantas tivesen que vivir e xogar en zonas diferentes?
  • Que vos parece que obrigasen a comer ás elefantas anémonas e peonías para que tivesen a pel rosa e suave?
  • Que vos parece que os elefantes puidesen vivir e xogar en liberdade e as elefantas non?
  • Margarita foi a primeira elefanta en quitar os zapatos e lazos rosas e en saír a xogar en liberdade. Uns días despois fixeron o mesmo as outras elefantas. Que opinades disto?
3.- Collede un folio e dobrádeo á metade imitando a forma dun libro. Abrídeo e collede o material de escritura e debuxo.

4.- Na metade esquerda do folio escribide o título “Rosa caramelo” e facede un debuxo relacionado co conto.

5.- Na metade dereita escribide o título “Xogamos e divertímonos”.

6.- Pensade nun xogo de equipo (por exemplo, un deporte) e formade dous equipos mixtos (con nenos e nenas), escribindo os seus nomes debaixo do título "Xogamos e divertímonos". Facede un debuxo no que aparezan xogando con normalidade.

7.- Coloreade os debuxos con ceras ou rotuladores.

8.- Sacádelle unha foto a este traballo para enviarmo a través da Aula Virtual  (tedes de prazo ata o 7 de xuño ás 15:00 h.).

Se tedes algunha dúbida podedes preguntarme na seguinte videoconferencia.

Unha forte aperta

A vosa titora

Entradas populares de este blog

Ecosystems

Imagen
Good morning kids, We are going to introduce a new unit to review living and nonliving things. Do you know what is an ecosystem? An  ecosystem  is a community made up of  living  and  nonliving  things in their natural environment.  Nonliving  things do not grow, need food, or reproduce. Some examples of important  nonliving  things in an  ecosystem  are sunlight, water, air, wind, rocks, and soil. Ok! Take your Natural science book and open on the new unit, Unit 6.  Look at the picture on page 52 and try to answer the questions orally, don't write, just have a little conversation about the picture. Then complete the activities on page 53. Remember to read the instructions carefully.
Leer más

Lingua Galega e Literatura: O meu barco

Imagen
Bos días! Esta actividade de galego ten varias partes e leva facela máis dunha sesión de clase, por iso non vou propoñer ningunha de castelán, aínda que a recomendación de ler uns minutos mantense para todos os días. Sabedes algunha canción en galego que teña relación co mar, cos barcos ou cos mariñeiros? A min gústame moito esta parte da letra de  Amor rianxeiro , tamén coñecida como  Vento mareiro  ("mareiro" significa favorable para navegar), unha canción popular galega: “Non lle temas, mariñeiro, ó ventiño do mar, que o vento mareiro dá mellor navegar. Se navegas pola ría de Rianxo verás as estrelas e a lúa darlle bicos ó mar”. Non vos parece fermoso iso de que as estrelas e a lúa lle dean bicos ao mar? Preguntade ás vosas familias se coñecen outras cancións en galego que garden relación co mundo do mar. Vós tamén sabedes unha que cantamos ás veces no colexio. Pista: comeza coa palabra “amoriños”. Podedes facer un listado cos títulos de t...
Leer más

Lingua Galega e Literatura: Conto (escritura creativa)

Imagen
Moi bos días! Hoxe propóñovos escribir un conto con título libre, pero con dúas condicións: 1.- O protagonista ou a protagonista ten que ser un destes personaxes, aínda que podedes cambiarlle o nome e inventar unha historia completamente diferente á da película na que aparece: 2.- Unha parte da historia (ou toda ela) sucede nun castelo. Recordade os pasos a seguir para a escritura: 1º- Pensar.- Pensar o título, a historia, organizar as ideas… 2º- Escribir.- Os textos narrativos, coma o conto, deben ter tres partes: introdución, desenvolvemento e desenlace. Ademais de prestar atención a isto, á hora de escribir hai que fixarse en facer boa letra, deixar marxe, poñer maiúscula cando é necesario e puntuar o texto. 3º- Repasar. Ler o que escribimos e facer correccións se é necesario. Cando rematedes de escribir o conto facede un debuxo para ilustralo. Ánimo, que xa falta moi pouquiño para esas merecidas vacacións! Unha aperta A...
Leer más